भांगरभूंय | प्रतिनिधी
पणजी : राष्ट्रवादी काँग्रेस पक्षाचे शरद पवार हे संस्थापक आसात. गोंयचो राष्ट्रवादी पक्ष कायम शरद पवार हांंचे फाटल्यान रावला. आतां लेगीत संंस्थापक शरद पवार हांंचोच निर्णय गोंय फांटो मान्य करतलो अशें प्रदेश अध्यक्ष जुजे फिलीप हांंणी म्हणलां.
आयतारा महाराष्ट्रांतल्या राष्ट्रवादी काँग्रेस पक्षांत फूट पडली. अजीत पवार हांच्या फुडारपणा खाला काय आमदारांनी वेगळो गट स्थापन करून एकनाथ शिंदे सरकाराक तेंको दिलो. अजीत पवार हांचो उपमुख्यमंत्री म्हूण सोपूतविधी जालो. हाका लागून राष्ट्रवादी काँग्रेसींत खवदळ पडला. राष्ट्रवादी काँग्रेसीच्या अस्तित्वाचो प्रस्न निर्माण जाला.
गोंयांत राष्ट्रवादी काँग्रेसीचो आमदार नासलो तरी बरीच वर्सां पक्षाचे अस्तित्व आसा. हाचे पयलीं जाल्ल्या वेंचणुकांनी राष्ट्रवादीचे एक वा दोन आमदार वेंचून आयल्यात. सध्या जुजे फिलीप डिसोझा हे गोंय फांट्याचे अध्यक्ष आसात. गोंयचो राष्ट्रवादी पक्ष शरद पवार हांचे बरोबर आसा अशें तांणी सांगलें.
गोंयांत राष्ट्रवादी काँग्रेस पक्ष स्थापन जाल्ल्या दिसा सावन शरद पवार हांचे सयत आसा. शरद पवार मुंबय ना. पत्रकार परिशद घेवन तो भुमिका जाहीर करतलो. शरद पवार जो किदें निर्णय घेतलो, तो आमकां मान्य आसा. गोंयच्या राष्ट्रवादी पक्षाचे सगळे कार्यकर्ते एकठांय आसात, अशें प्रदेश अध्यक्ष जुजे फिलीप डिसोझा हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
