भांगरभूंय | प्रतिनिधी
सध्याचो संवसारीक बुद्दीबळ वस्ताद मॅग्नस कार्लसनान फुडल्या वर्सा जावपी संवसारीक बुद्दीबळ वस्तादपण सर्तींतल्यान फाटीं सरपाचो निर्णय घेतला.
पांच खेपेचो संवसारीक वस्ताद कार्लसनान आंतरराष्ट्रीय बुद्दीबळ दिसाच संवसारीक बुद्दीबळ सर्तींतल्यान फाटीं सरपाची घोशणा केली.
ताणें नव्या ‘दी मॅग्नस इफॅक्ट’ पॉडकास्टांतल्यान तो फुडल्या वर्सा जावपी संवसारीक सर्तींत आपल्या किताबाची राखण करचो ना अशें सांगलें.
कार्लसनान वस्तादपण सर्तींतल्यान फाटीं सरलो हाचो अर्थ बुद्दीबळ सोडटलो वा तो परत केन्नाच संवसारीक वस्तादपण सर्तींत खेळचो ना असो हाचो अर्थ न्हय. तो सध्या किताबाची राखण करचो ना. ताची फुडली मोख 2900 फिडे रॅटींग मेळोवपाची आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
