भांगरभूंय | प्रतिनिधी
ऑस्ट्रेलियेन तीन वन डे मॅचींचे माळेंतले दुसरे मॅचींत न्युझिलॅण्डाक 113 धांवड्यांनी हारयलो. ह्या जैता सयत ऑस्ट्रेलियेन 2-0 अशी निर्णायक आघाडी घेतली.
टॉस हारल्या उपरांत पयलीं बॅटींग करतना ऑस्ट्रेलियेचो डाव फक्त 195 धांवड्यांचेर सोंपलो. स्टीव स्मिथान सगल्यांत चड 61 धांवड्यो केल्यो. मिचेल स्टार्कान 38 धांवड्यांचें योगदान दिलें. मोखीचो फाटलाव करपी न्युझिलॅण्डाचो डाव 33 ओव्हरींनी फक्त 82 धांवड्यांचेर सोंपलो.
ताच्या सात बॅट्समनांक दोट्टी आंकडो लेगीत हुपपाक जमलो ना. मुखेली केन विलियम्सनान सगल्यांत चड 17 धांवड्यो केल्यो. ऑस्ट्रेलियेचो लेग स्पिनर अॅडम झम्पान 9 ओव्हरींनी 35 धांवड्यो दिवन 5 विकेटी घेतल्यो.
ह्या जैता सयत ऑस्ट्रेलियेक वर्ल्ड सुपर सिरिजाचे 10 गूण फावो जाले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
