भांगरभूंय | प्रतिनिधी
संवसारीक अॅथलेटिक्स वस्तादपण सर्तीचे निमाणे फेरयेंत भारताची भालोफेक खेळगडी अन्नू राणीक पदकान हुलकावणी दिली. तिका उण्या फरकान पदक चुकलें. तिका सातवे सुवातेर समाधान मानचें पडलें. संवसारीक वस्तादपण सर्तींत तिसरे खेपे वांटेकार जावपी अन्नू राणीन सेगीत दुसरे खेपे संवसारीक अॅथलेटिक्स वस्तादपण सर्तीचे फायनलींत सुवात मेळयिल्ली.
अन्नू राणीन निमाणे फेरयेंत 61.12 मिटर भालोफेक करून सातवी सुवात मेळयली. भांगरा पदक ऑस्ट्रेलियेचे केल्सी ली बार्बरान मेळयलें. तिणें 66.91 मिटर भालोफेक केलो. रुप्या पदक अमेरिकेचे कारा विंगराक फावो जालें. जाल्यार जपानाचे हारुका किटागुचीक कांश्या पदक फावो जालें.
अन्नू राणीन स यत्न केले. तातूंतलो तिचो दुसरो यत्न सर्वोत्कृश्ठ आशिल्लो. दुसऱ्या यत्नांत तिणें 61.12 मिटर अंतरा मेरेन भालोफेक केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
