भांगरभूंय | प्रतिनिधी
भांगरभूंय I प्रतिनिधी
पणजी : मांडवी न्हंये वयल्या अटल सेतूचेर अपघातांचें सत्र चालूच आसून सोमारा दनपारां एके मोटारीन डिव्हायडराक नेटाचो धपको दिवन उपरांत विजेच्या खांबाचेर आदळ्ळी आनी रस्त्याचेर उमथून पडली. ह्या अपघातांत मोटारीचो चालक जखमी जालो. तशेंच विजेचे खांबे मोडून पडिल्ल्यान पुला वयले येरादारीची कोंयडी जाली. ह्या अपघाताक लागून परतून अटल सेतू चर्चेत
आयला.
पर्वरीचे वटेन हो अपघात जालो. चालकाचे वाहनां वयलें नियंत्रण सुटिल्ल्यान सगल्यांत पयलीं मोटार डिव्हायडराक आदळ्ळी. उपरांत उसळून तिणें विजेच्या खांबाक धपको दिलो. डिव्हायडर रस्त्यार पडपा सयत दोन विजेचे खांब मोडून पडलें. तशेंच मोटार रस्त्याचेर उमथून पडली. पुलाचो रस्तो ब्लॉक जाल्ल्यान वाहनांच्यो रांको लागिल्ल्यो. येरादारेची एक वर कोंयडी जाली. पर्वरी पुलिसांनी धांव घेवन येरादारी सुरळीत केली. वीज खात्याच्या कर्मचाऱ्यांनी विजेचे कुशीक काडले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
