भांगरभूंय | प्रतिनिधी
लखीसराय: ३ मेक पेपर फुटले उपरांत आयतारा NEET-UG 2026 ची परत परिक्षा जाली. ह्या वेळार बिहारांतल्या लखीसराय हांगा एक व्हड सॉल्वर टोळी उक्तडार आयली. पुलिसांच्या तपासांत मुखार आयलां, मूळ परीक्षार्थींचे सुवातेर परिक्षा दिवपा खातीर वैजकीय विद्यार्थ्यांनी ३० ते ४० लाख रुपयांनी वेव्हार निश्चीत केल्लो.
ह्या प्रकरणांत पुलिसांनी टोळयेच्या म्होरक्या सयत PMCH, गया मेडिकल कॉलेज, AIIMS रायबरेली आनी BHU च्या वैजकी विद्यार्थ्यां सयत वट्ट २४ जाणांक अटक केल्या. अटक केल्ल्या आरोपीं मदीं बायोमेट्रिक तपासणी करपी कंपनीच्या१४ कर्मचार्यांचोय हातूंत आसपाव आसा.
पुलिसांनी राजकीय उच्च विद्यालय हसनपूर, KRK हायर सेकंडरी स्कूल आनी केंद्रीय विद्यालय ह्या परीक्षा केंद्रांचेर छापो घालून सगल्या आरोपींक अटक केल्या. लखीसरायच्या एसपी प्रेरणा हांचे म्हायती प्रमाण, आरोपीं कडल्यान मोबायल फोन आनी हेर म्हत्वाचे दस्तावेज जप्त केल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
