भांगरभूंय | प्रतिनिधी
नवी दिल्ली: फुडल्या सत्रांतल्यान NEET-UG परिक्षा ऑनलायन जातली. केंद्रीय शिक्षण मंत्री धर्मेंद्र प्रधान हांणी शुक्रारा ही म्हायती दिली. ३ मे दिसा जाल्लो NEET-UG-2026 परिक्षेच पेपर लीक जाल्ल्याचें तांणी मान्य केलें.
ताणें म्हणलें, ‘आमकां खंयचोच चुकीचो उमेदवार वेंचून काडचो अशें दिसना. देखून परिक्षा रद्द करपाची व्हड जापसालदारकी आमी घेतल्या. आतां ही परिक्षा आयतारा २१ जून दिसा जातली.’
ही परिक्षा ३ मे दिसा देशांतल्या ५५१ शारांनी आनी परदेशांतल्या १४ शारांनी जाल्ली. हे खातीर ५४०० परस चड परिक्षा केंद्रां तयार केल्लीं. तातूंत २२.७९ लाख विद्यार्थी बशिल्ले.
नीट-पुनर्परीक्षा संबंदीं ३ सरकारी घोशणा
शिक्षण मंत्री धर्मेंद्र प्रधान हांणी म्हणलें, परिक्षा रद्द करपाचो निर्णय एनटीएनच घेतला. ७ मेक गडबड जाल्ल्याचें समजलें. एनटीएन सरकाराक म्हायती दिली. ते उपरांत १२ मे दिसा परतून परिक्षा घेवपाचें थारायलें, सगळ्या गजालींची जापसालदार एनटीएच आसतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
