भांगरभूंय | प्रतिनिधी
मडगांव : काणकोण पुलीस उपनिरीक्षका कडल्यान आपचे फुडारी संदेश तळेकार हांकां पुलीस स्टेशनांत मारपेट केल्ली. ताका निलंबीत करिनासतना बडतर्फ करुन अटकेची कारवाय जावची, अशी मागणी आमदार व्हेंझी व्हिएगस हांचे सयत आपच्या फुडार्यांनी दक्षीण गोंय जिल्लो पुलीस अधीक्षकांची भेट घेवन केली.
आम आदमी पक्षाचे आमदार व्हेंझी व्हिएगस, वाल्मिकी, प्रशांत नायक आनी हेर कार्यकर्त्यांनी दक्षीण गोंय पुलीस अधीक्षक टिकमसिंग वर्मा हांची भेट घेतली. तांकां निवेदन सादर करून तळेकार हांकां मारपेट करपी पुलीस उपनिरीक्षक राजशेखर रेड्डी हांकां बडतर्फ करुन अटक करपाची मागणी केली.
वाल्मिकी नायक हांणी सांगलें, दक्षीण गोंय पुलीस अधीक्षकांक मारपेटी वेळार रातीं कळयिल्लें. उपरांत आतां मेरेन कसलेच तरेची कारवाय वा चवकशी पुलीस खात्या वतीन करूंक ना. पुलीस अधीक्षकांनी ह्या पुलीस उपनिरीक्षकाक बदली करतले अशें सांगलें. तेन्ना हो पुलीस उपनिरीक्ष दुसरे कडेनूय अशीच मारपेट करपाक शकता. हाका लागून ताका बडतर्फ करीत चवकशी करची अशी मागणी केली. ताचेर दोन दिसांनी चवकशी करून निर्णय घेतले अशें आस्वासन पुलीस अधीक्षकांनी दिलें. आमदार व्हेंझी हांणी, पुलीस अधीक्षकांनी घडणूक घडली काय म्हायती दिल्ल्याक आजूनय कसलीच चवकशी करूंक ना. पुलीस उपनिरीक्षक आजूनय कार्यरत आसात. सीसीटीव्ही फुटेज पळोवन ह्या पुलीस उपनिरीक्षकाचेर कारवाय जावची. ह्या पुलीस उपनिरीक्षकाचेर कोणाचो तरी आशिर्वाद आशिल्ल्याचें सांगता, हाका लागून अश्यो गजाली जातात. हाका लागून सामान्यांचेर पुलिसांचे अत्याचार जावचे न्हय म्हणून कारवाय गरजेची आशिल्ल्यान बुधवारा परत पुलीस अधीक्षकांची भेट घेवन फाटपुरवण करतले, अशें तांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
