भांगरभूंय | प्रतिनिधी
पणजीः बारावेचे परिक्षेंत नापास जाल्ले वा निकालांत सुदारणा करपाक सोदपी विद्यार्थ्यां खातीर शालांत मंडळान वतीन घेवपी पुरवणी परिक्षा 21 एप्रील ते 2 मे मेरेन जातली. प्रॅक्टिकल परिक्षा 3 मे 2025 दिसा जातली.
शालांत मंडळान परिक्षेचे शुल्क आनी वेळापत्रक जाहीर केलां. ही परिक्षा म्हापशें आनी मडगांव अशा दोन केंद्रांनी जातली. ही परिक्षा म्हापशें केंद्रांतल्या आसगांवच्या डीएमसी उच्च माध्यमीक विद्यालयात जातली. जाल्यार मडगांव केंद्रांतल्या बोर्डा हांगाच्या मल्टीपर्पज उच्च माध्यमिक विद्यालयांत जातली. शालांत मंडळ पोर्टला वरवीं परिक्षा शुल्क भरपाची निमाणी तारीख 12 एप्रील आसा. उसरा शुल्का सयत शुल्क भरप 17 एप्रील मेरेन शक्य आसा. परिक्षेचे हॉल तिकीट 17 एप्रीला उपरांत शालांत मंडळाच्या संकेतथळा वयल्यान डावनलोड करूं येता. कला, वाणिज्य आनी विज्ञान शाखेची परिक्षा 21 एप्रील ते 3 मे मेरेन जातली. वेवसायीक शाखा परिक्षा 21ते 26 एप्रील मेरेन जातली. दर दिसा सकाळीं 9.30 वरांचेर पेपर सुरू जातलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
