भांगरभूंय | प्रतिनिधी
बनासकांठा, खबरां संस्था: गुजरांतच्या एका माराण्यांच्या कारखान्यांत बॉयलरचो स्फोट जावन मध्य प्रदेशांतल्या २१ कामगारांक मरण आयलें. मंगळारा सकाळीं ८ वरांचेर डिसा गांवांत ही घडणूक घडली. तिगांची भलायकी गंभीर आसा. आनीक ५ जाण जखमी जाल्यात.
हे सगले कामगार २ दिसां आदीं गुजराताक आयिल्ले. स्फोट जालो तेन्ना ते माराण करताले. हो स्फोट इतलो भिरांकूळ आसलो, खुबश्या कामगारांच्या शरीराचे अवयव ५० मीटर अंतरा मेरेन वचून पडले. कारखान्या फाटल्यान आशिल्ल्या शेतांत कांय अवयूय सांपडले. उज्याचेर नियंत्रण मेळोवपा खातीर उजो पालोवपी दळाक ५ ते ६ वरां लागलीं.
दीपक ट्रेडर्स नांवाचो हो माराण करपाचो कारखानो खुबचंद सिंधी हांचो. धनया कडेन फकत माराण विकपाचो परवानो आसा, ते तयार करपाचो ना. थळावे पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
