भांगरभूंय | प्रतिनिधी
कोची, खबरां संस्था : मुथुट्टू यलो म्हणून वळख आशिल्ल्या देशांतले आघाडीचे एनबीएफसीं मदले एक आशिल्ले, मुथुट्टू मिनी फायनान्सियर्स लिमिटेडाक, आयसीआरए रेटिंग्जान दीर्घकाळाच्या रिणा खातीर (आयसीआरए) ‘ए स्टेबल’ क्रेडिट रेटिंग दिलां. कंपनीच्या दीर्घ काळाच्या सुविधांक पयलीं केअर रेटिंग्ज लिमिटेड आनी इंडिया रेटिंग्ज अँड रिसर्च प्रायव्हेट लिमिटेड हांणी अनुक्रमान ‘केअर ए- स्टेबल’ आनी ‘आयएनडी ए- स्टेबल’ अशें रेटिंग दिल्लें.
आयसीआरए रेटिंग्ज लिमिटेड सारके आघाडेच्या क्रेडिट रेटिंग एजन्सीन रेटिंगांत वाड दिल्ल्यान एमएमएफएलची सेगीत आशिल्ली अर्थीक कामगिरी, बळिश्ट मालमत्ता गुणवत्ता आनी पुराय भारतांत स्केलेबल ऑपरेशन्स दिसून येतात.
अर्थीक वर्साच्या पयल्या णव म्हयन्यांत, एप्रील- डिसेंबर 2024 ह्या काळांत, कंपनीन बरी अर्थीक वाड नोंद केली, जातूंत पीबीटी 20.50% न वाडून ₹ 103.84 कोटी जालो, जो पोरूं हेच कालावधींत ₹ 86.18 कोटी आशिल्लो. ह्याच काळांत करा उपरांतच्या फायद्यांत (पीएटी) 24.35% ची लक्षणीय वाड दिसून आयली , जी पोरुंचे ₹ 60.04 कोटींचे तुळेन ₹ 74.66 कोटींचेर पावली. हाचे भायर, कंपनीन ह्या काळांत 0.77% चे उणे पातळेचेर एनपीए सयत बळिश्ट मालमत्ता गुणवत्ता राखली, जिका लागून तिची जोखीम वेवस्थापन चौकट लोकां सामकार आयली.
मुथुट्टू मिनी फायनान्सियर्स अॅसेट्स अंडर मॅनेजमेंट (एयूएम) – अर्थी वर्स 25 चे अखेरेक ₹ 4,200 कोटीं मेरेन पावपाची अपेक्षा आसा, जी विस्तार आनी जोखीम वेवस्थापन जापसालदारकेन संतुलित करतना कंपनीची थीर वाड दाखयता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
