भांगरभूंय | प्रतिनिधी
साहिबगंज, खबरां संस्था: झारखंडांतल्या साहिबगंजांत दोन मालगाडयांनी एकामेकांक धपको दिलो. सोमारा फांतोडेर ३ वरांचेर हो अपघात जालो. तातूंत दोनूय ड्रायव्हरांक मरण आयलें. तर सुरक्षेंत गुंथिल्ले चार सीआयएसएफ जवान जखमी जाले.
एक माल गाडी रुळाचेर उबी आशिल्ली. मजगतीं, त्याच ट्रॅकाचेर दुसरी मालगाडी आयली. हाका लागून दोनूय गाडयांनी एकामेकांक मुखारच्यान आदळ्ळ्यो. जखमींचेर बरहात सदर हॉस्पिटलांत उपचार सुरू आसात. धपको बसले उपरांत कोळश्यान भरिल्ले माल गाडयेक उजो पेटलो. तशेंच डबे रुळावेल्यान निसरले.
घडणुकेची म्हायती मेळटांच उजो पालोवपी दळाच्यो गाडयो घडणुके सुवातेर पावल्यो आनी उजो पालोवपाचो यत्न केलो. मजत काम सुरू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
