भांगरभूंय | प्रतिनिधी
नवी दिल्ली, खबरां संस्था: नव्या वर्साचे सुरवातेक तेल कंपनींनी एलपीजी गॅसाच्या मोलांत कपात केल्या. १९ किलांच्या वेवसायीक एलपीजी गॅस सिलींडराचें मोल ४१ रुपयांनी उणें करपाचो निर्णय घेतला. हें नवें मोल आयच्यान लागू जालां.
हे दर कपातीच्या निर्णयाक लागून ढाबे, रेस्टॉरंट्स आनी हॉटेल वेवसायिकांक थाकाय मेळ्ळ्या. हे कपाती उपरांत, मुंबय वेवसायीक गॅस सिलिंडराचो दर १७१४.५० रुपया जाला. जो आदीं १७५५.५० रुपया आशिल्लो. जाल्यार, कोलकाताक १९ किलांच्या सिलिंडराचो दर १८७२ रुपया जाला, जो आदीं १९१३ रुपया आशिल्लो. चेन्नय १९२४ रुपया जाला. दिल्लींत १७६२ रुपया जाला. जो हे कपाती पयलीं १८०३ रुपया आशिल्लो.
घरगुती सिलिंडराचो दर थीर
मजगतीं घरगुती १४.२ किलांच्या गॅस सिलिंडराच्या दरांत कसलोच बदल जावंक ना. ह्या सिलेंडराचो दर दिल्लींत ८०३ रुपया, कोलकातांत ८२९ रुपया, मुंबय ८०२.५० रुपया आनी चेन्नयक ८१८.५० रुपया आसा.
१ तारखेर दरांत बदल
तेल कंपनी दर म्हयन्याचे १ तारखेक एलपीजी गॅस सिलिंडराच्या दरांत बदल करतात. गरजे प्रमाण दर वाडयतात वा उणो करतात. ह्या कंपनींनी फाटल्या म्हयन्यांत १ मार्च सावन वेवसायीक एलपीजी गॅस सिलिंडराच्या दरांत ६ रुपयांची वाड केल्ली. मात आतां ह्या म्हयन्याचे सुरवातेक ४१ रुपयांची कपात केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
