भांगरभूंय | प्रतिनिधी
जेन्ना नाटका खातीर तयारी करतात तें नाटक गोंया पुरतें मर्यादीत दवरिनासतना तें महाराष्ट्रा खातीर करता हो आमचो हेत आनी विचार आसपाक जाय. सुरवातेक नाटकांत कोंकणीचो हेल येता काय हाचेर लक्ष दवरप गरजेचें. दिग्दर्दशकांक तेंको दितले जाल्यार गुणी कलाकार म्हत्वाचे अशें नामनेचे नाट्य आनी सिने कलाकार राजेश पेडणेंकार हांणी सांगलें.
रुद्रेश्वर पणजी हे संस्थेन मराठी राज्य नाट्य निमाणें फेरयेंत पयलें इनाम फावो जाल्ले मिडिया आनी भारत रंग महोत्सवांत प्रदर्शीत जाल्लें ‘पालशेतची विहीर’ ह्या नाट्य कलाकारांचो भौवमान घडोवन हाडलो. ह्या वेळार मुखेल सोयरे म्हूण राजेश पेडणेंकार उलयताले.
ह्या वेळार रुद्रेश्वर पणजीचे अध्यक्ष योगेश कापडी, उपाध्यक्ष शिवेंन्द्र तारी, पालशेतची विहीर नाटकाचे दिग्दर्शक दीपक आमोणकार आनी मिडियाचे दिग्दर्शक सतीश नार्वेंकार हजर आशिल्ले.
एक ग्रीक नाट वेगळे भशेन तयार करून वेगळे नदनरेंतल्यान प्रेक्षक आनी परिक्षकांक दाखयिल्ल्या कारणान 45 नाटकां मदल्या मिडिया ह्या नाटकाक पयलें इनाम फावो जालें अशे पेडणेंकार हांणी सांगलें.
मिडिया सारकें नाटक करपाचें आव्हान आयलें जाल्यार तें हातळपाक जाय. ते खातीर दिग्दर्शकाक तेंको दितले आसत जाल्यार गुणी कलाकार म्हत्वाचे. तांणी प्रमाणीकपण दाखयल्यार दिग्दर्शकाक उर्बा मेळटली. नाटक खंयचेंय आसूं गुणी कलाकार म्हत्वाचे. जें पात्र तुमकां दितात ताची मनस्थिती तयार करप ही कलाकाराची जापसालदारकी आनी हे खातीर तांणी वरिश्ठांचें मार्गदर्शन घेवप गरजेचें असो सल्लो पेडणेंकार हांणी दिलो.
जेन्ना आमी नाटका खातीर तयारी करतले तेन्ना आमी गोंया खातीर न्हय तर महाराष्ट्रा खातीर तयार जाता असो आमचो उद्देश आसतलो. जेन्ना महाराष्ट्रा खातीर तुमी नाटकाची तयार करतात सुरवेक कोंकणीचो हेल येता. मराठी उलयतना मदीं मदीं नाकांतल्यान उतरां येतात हाचेर लक्ष दिवप गरजेचें अशें पेडणेंकार हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
