भांगरभूंय | प्रतिनिधी
भांगरभूंय । प्रतिनिधी
केरी-सत्तरीः गोंय सरकाराच्या खेळ आनी युवा वेव्हार खात्यान आयोजीत केल्ल्या 14 वर्सां पिराये सकयल्ले दिवचल तालुको सुब्रोतो मुखर्जी फुटबॉल सर्तींत साखळेच्या प्रोग्रेस हायस्कुलान वस्तादपण मेळयलें. फायनलींत ताणी आमोणे सरकारी माध्यमीक विद्यालयाक 3-2 अशें हारयलें. सर्तींत साखळेच्या सेंट जॉन ऑफ द क्रॉस हायस्कुलाक तिसरी सुवात मेळ्ळी.
प्रोग्रेस हायस्कुलाच्या पंगडांत कॅप्टन जॉन्सर राणा ह्याच्या फुडरापणा खाला संजय कठारी, आयन महम्मद, जोर्वी बार्रेटो, तन्वेश परेरा, फवाज पन्ना, धैर्य कामत, विघ्नेश कामत, लतीफ सिंदगी, पियुष कामत, शिवम कामत, अमिश गावस, सार्थक सावळ, स्वयंम सावळ, अर्णव सावंत, विनायक शिरोडकार हांणी बरो खेळ केलो. तालुको खेळां अधिकारी राजू पवार, हायस्कुलाचो शारिरीक शिक्षक प्रसाद सुर्लकार, संकस्प पेडणेकार हाचे हाजेरेंत निखील आरोंदेकार, शिवा गोसावी, विवेक शेट्ये हांणी रेफ्री म्हणून काम पळयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
