भांगरभूंय | प्रतिनिधी
पणजी : भविश्य निर्वाह निधी म्हणल्यार पीएफ… नोकर वर्गा खातीर एक सामको म्हत्त्वाचो मुद्दो. फकत सरकारीच न्हय, तर खाजगी नोकरी करप्यां खातीर एक अतिशय म्हत्वाचो मुद्दो. फकत सरकारीच न्हय तर खासगी नोकरी करप्या खातीरूय ईपीएफओ च्या नांवान कापपी रक्कम एक व्हडलो अर्थीक आदार आसता. अशा ह्या ईपीएफओ खात्यांतले रकमे विशीं एक सामको म्हत्वाचो निर्णय घेतला. त्या निर्णयांचो खुबश्या जाणांक फायदो जातलो.
कर्मचारी भविश्य निधी मंडळा (ईपीएफओ) कडल्यान आतां युपीआयच्या माध्यमांतल्यान पीएफचे रकमेचेर दावो सांगपाक मेळटलो. श्रम- रोजगार सचीव सुमिता डावरा हांणी हालींच हे विशींची म्हायती दिवन ईपीएफओ प्रणालींत युपीआय इंटीग्रेट करतले अशें सांगलें. ह्या नव्या उपक्रमा वरवीं ७.५ कोची सक्रीय ईपीएफओ वांगड्यांक फायदो जातलो, तांच्या पीएफ खात्यांत रोखडेंच अपेक्षीत रक्कम जमा करतले.
कशें काम करतली ही नवी प्रणाली?
१ लाख रुपयां मेरेनचे पीएफ क्लेम पुरायेन ऑटोमेटेड आशिल्ल्यान, आतां युपीआय वरवीं ही प्रक्रिया आनीक वेगान वतली. तशेंच खातेधारकांक तांचे युपीआय ऍप (PhonePe, Google Pay, Paytm) ईपीएफओ खात्या सयत सहजपणान लिंक करतले. हांगा ऑटोक्लेम ही सुविधा मेळटली.
म्हळ्यार जर खंयचोय मनीस पात्र वांगडी आसा जाल्यार ताची रक्कम रोखडीच जमा करतले. सध्या पीएफ खात्यांतली रक्कम जमा जावपा खातीर तीन दिसांचो काळ लागता. मात युपीआयच्या वापरान ही प्रक्रिया कांय मिनटांनीच पुराय जातली.
सगल्या बँकांनी मेळटली रक्कम
ईपीएफओन पयलेच फावट सेंट्रलायज्ड डेटाबेस तयार केला, तो पुरायेन लागू जावपाक दोन ते तीन सप्तकांचो काळ लागपाक शकता. देशांतल्या ७८ लाख पेन्शनधारकांक ह्यान पयलीं कांय वेंचीक बँकांतल्यानूच पयशे काडपाक मेळटाले. मात आतां खंयचेय बँके कडल्यान पीएफची रक्कम काडपाक मेळची ना. आरबीआयच्या सांगण्या वेल्यान ही सेंट्रलाइज्ड पेंशन सिस्टीम लागू केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
