भांगरभूंय | प्रतिनिधी
एनएसयुआयची राज्यपालांं कडेन मागणी; निवेदन भेटयलें
पणजी : गोंंय विद्यापीठ पेपर फूट प्रकरणांत खर कारवाय करपाचे आदेश कुलपती ह्या नात्यान राज्यपालांंनी दिवचे अशी मागणी एनएसयुआय तशेंच युवा काँग्रेसीन केल्या. एनएसयूआयच्या गोंंय फांट्याचे अध्यक्ष नौशाद चौधरी हांच्या फुडारपणा खाला राज्यपाल पी. एस. श्रीधरन पिल्लई हांंकां निवेदन भेटयलें.
एनएसयूआय तशेंच युवा काँग्रेस आनी प्रदेश काँग्रेसीच्या पदाधिकाऱ्यांंनी राजभवनाचेर राज्यपाल पी. एस. श्रीधरन पिल्लई हांंची भेट घेतली. कारवाय करपाची मागणी करपी निवेदन तांकां भेटयलें.
पेपर फुटपाचो प्रकार ही गंंभीर घडणूक आसा. संंबंंदीत प्राध्यापकाक निलंंबीत करून जावचें ना. ताका बडतर्फ करपाची गरज आसा. पेपर फूट प्रकरणाक लागून गोंंय विद्यापिठाचे प्रतिश्ठेक धपको बसला. प्रतिश्ठा सांबाळपा खातीर पुराय तरेन चौकशी जावन दोशींंचेर खर कारवाय जावपाची गरज आसा. राज्यपालांंनी निश्पक्ष चवकशीचे आदेश दिवचे अशी तांणी मागणी केली.
पेपर फुटीचें प्रकरण हें पोरणें प्रकरण आसा. इतलो तेंप हें प्रकरण काळखांत कशें उरलें, हाची चवकशी जावपाक जाय. हें प्रकरण दामपाचो यत्न करपी अधिकाऱ्यांंचेर कारवाय जावपाक जाय, अशी मागणी एनएसयूआयन केल्या.
इतले मजगतीं, गोंंय विद्यापिठान पेपर फूट प्रकरणांत राज्यपाल पिल्लई हांंकां अहवाल सादर केला. राज्यपालांंनी विद्यापिठा कडेन अहवाल मागयिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
