भांगरभूंय | प्रतिनिधी
खासदार तानावडे हांणी मांडलो मुद्दो
पणजी : बोगस कॉल तसेच बोगस संदेशांचेर आदारून म्हायती आनी पयशे घेवपा सयत जायते प्रकारचे गैरवेव्हार घडत आसात. ही गाजाल हुस्को करपा सारकी आशिल्लाचो मुद्दो खासदार सदानंद शेट तानावडे हांणी राज्यसभेंत मांडलो.
मोबायल फोनाचेर व्हॉट्सअॅपा वरवीं संदेशा धाडून वा फोन करून येवजणे विशीं म्हायती दितात. नांव आनी पत्तो सयत सगळी म्हायती विचारतात. कांय लोक हाचेर विस्वास दवरुन म्हायती दितात. हो प्रकार सामान्य मनशाच्या गुप्तताये खातीर धोक्याचो आसा. तशेंच म्हायती मागपी संदेश ईमेल वरवीं धाडटात. अशें प्रकार आडावपा खातीर उपाय करचे अशें मत खासदार सदानंद शेट तानावडे हांणी उक्तायलें.
मोबायल आनी डिजिटला वरवीं भानगडी आनी गैरवेव्हार वाडत आसात. सायबर सुरक्षा वरवीं ह्या प्रकारांक आडावपाची मागणी तानावडे हांणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
