भांगरभूंय | प्रतिनिधी
कारवार, खबरां संस्था : कर्नाटकाच्या शिवमोगो जिल्ह्यांतल्या सागर शारांतल्या कागोडू वाठारांत कर्नाटक अबकारी विभागान गोंयची नोंदणी आशिल्ले एके गाडयेंतल्यान सोरो जप्त केला. ह्या प्रकरणांत बेतू, गोंयच्या प्रमोद विश्वनाथ नांवाच्या मनशाक अटक केल्या. मात अटक केल्ल्यां मदल्या एकल्याचें नांव प्रमोद जुवेंकार आसा आनी ते गोंय अबकारी विभागाचे निरीक्षक आसात, अशी खबर आसा. ही कारवाय बिरेस्तारा केली. तातूंत हे गाडयेंतल्यान १३८.०६ लिटर गोंयचो सोरो जप्त केलो.
हे कारवायेंत उत्पादन शुल्क उपअधीक्षक शीला दर्जकर, निरीक्षक भाग्यलक्ष्मी, कर्मचारी संदीप एल.सी., गुरुमूर्ती, दीपक, मल्लिकार्जुन आनी सचिन हांचो आसपाव आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
