भांगरभूंय | प्रतिनिधी
अमृतसर, खबरां संस्था: पंजाबच्या अमृतसरांतल्या खांडवाला हांगा ठाकुरद्वार देवळा भायर तीन दिसां आदीं ग्रेनेड हल्लो केल्लो. दोनचाकी वेल्यान आयिल्ल्या हल्लेकारांनी ग्रेनेड घालून घडणुके सुवातेवेल्यान पळ काडली. ही घडणूक सीसीटीव्ही कॅमेर्यांत कैद जाल्ली. सोमारा (१७ मार्च) सकाळीं पुलिसांनी दोन मदल्या एका हल्लेकाराक फारपेटींत मारून उडयलो. पुलिसांनी दिल्ले म्हायती प्रमाण, मरण आयिल्ल्या आरोपीचें नांव गुरसिदक ऊर्फ सिदकी ऊर्फ जगजीत सिंग अशें आसा. जाल्यार ताचो वांगोडी चुई ऊर्प राजू सध्या फरार आसा.
अमृतसरच्या विमानतळ मार्गार हल्लेकार आनी अमृतसर पुलीस हांचे मदीं आयज सकाळीं फारपेट जाली. जातूंत एका हल्लेकाराक मारून उडयलो.
शुक्रारा रातीं ठाकूरद्वारा देवळा भायर ग्रेनेड उडयिल्लो. ह्या वेळार देवळाचो भट भितर न्हिदिल्लो. ह्या हल्ल्यांत ते वाटवले. पुलिसांनी देवळा भायर सीसीटीव्ही हस्तगत करून तातूंत दोनचाकी वेल्यान दोग हल्लेकार आयिल्ल्याचें सांगिल्लें. रातच्या १२.३५ वरांचेर दोग हल्लो करपी दोनचाकीवेल्यान देवळा लागसारा आयले. तेन्ना तांचे कडेन एक बावटो आशिल्लो. मात्सो वेळ देवळा भायर रावून त्या तांणी ग्रेनेड हल्लो केल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
