भांगरभूंय | प्रतिनिधी
विर्डे, साखळे आनी सुर्ला खणींची केली पळोवणी
पणजीः पर्यावरण सांबाळून, थळाव्या लोकांचें हित सांबाळून गोंय सयत देशभर खण वेवसाय सुरू करप हें सरकाराचें मुखेल प्राधान्य आसा. खण वेवसाय कडेन समतोल पद्दत आपणायतनाच थळाव्या लोकांक उदरनिर्वाहाचें साधन दिवपाचोय यत्न सरकार करता अशें केंद्रीय कोळसो आनी खण मंत्री जी. किशन रेड्डी हांणी सांगलें.
केंद्रीय मंत्री जी. किशन रेड्डी हांणी गोंय भोंवडे वेळार साखळे मतदारसंघांतल्या विर्डे, साखळे आनी सुर्ला हांगाच्या खणींची पळोवणी केली. ह्या वेळार तांचे वांगडा राज्यसभेचे खासदार सदानंद शेट तानावडे आनी थळावे लोक हाजीर आशिल्ले. उदरगत आनी रोजगार निर्मिती खातीर खण वेवसाय सुरू करपाची गरज आसा. हे खातीर केंद्र सरकार राज्य सरकाराक गरजेची मजत दिता अशेंय तांणी सांगलें.
खण ब्लॉकांची पावणी करपाची प्रक्रिया राज्यांत चालू आसा. ह्या हंगामांत खणी सुरू जातल्यो असो विस्वास मुख्यमंत्री डॉ. प्रमोद सावंत हांणी उक्तायला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
