भांगरभूंय | प्रतिनिधी
नवी दिल्ली : शिगमो सोंपले उपरांतचो काळ सुरू जातलो तो लग्नाचो आनी ह्या लग्नाचें मुखेल आकर्शण आसता ते भांगराच्यो वस्ती. लग्नाच्या दिसांनी भांगराचो दर सेगीत देवत- चडतूच आसता. अशा वेळार भांगराच्या दरांत फाटल्या चोवीस वरांनी वाड जाल्या. दरांत एक हजार रूपयांची वाड जाल्ल्यान भांगराचे जीएसटी सयत (GST) दर ९० हजार २०० वयर प्रती 10 ग्रॅम भांगराचो दर गेल्ल्याचें पळोवपाक मेळ्ळें.
डोनाल्ड ट्रम्प सरकाराच्या अर्थीक धोरणाचो परिणाम आतां संवसारीक भांगराच्या बाजाराचेरूय दिसून येता. भांगराचो गांव म्हणपी जळगांवांत भांगराचो दर पयलेच फावट णव्वद हजारां वयर पावला.
आयज भांगराचो दर ८७, ००० जाल्यार जीएसटी सयत णव्वद हजार दोनश्यां वयर पावला. हाचो परिणाम म्हळ्यार, भांगराचो दर वाडिल्ल्यान लग्ना खातीरच्या गिरायकांचें बजेट हाल्लां. वेपार्यांच्या मतान डोनाल्ड ट्रम्प सरकारान टेरीफ रेट सेगीत वाडयिल्ल्यान येवपी काळांत भांगराचो दर ९५ हजारांच्या पार वचपाची शक्यताय आसा. ह्या वर्साचे निमाणे कडेन भांगराचो दर ९० हजारां वयर प्रती 10 ग्रॅम भांगराचो दर वतलो असो अदमास आशिल्लो. मात अंदूं तिसर्याच म्हयन्यांत भांगर बरेंच चडलें.
रुप्याची स्थिती
रुप्याचो दरूय बरोच नेटान वाडला. मल्टी कमोडिटी एक्सचेंज (MCX) चेर चांदीचो बेंचमार्क करार काल वाडलो. काल (१३ मार्च २०२५) दिसा रुप्याचो दर ९९२.९ रुपया प्रती १० ग्रॅम आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
