भांगरभूंय | प्रतिनिधी
नवी दिल्ली, खबरां संस्था: गोंयचें वातावरण फाल्यां उश्ण आनी दमट उरपाची श्यताय आसा. हवामान खात्यान १४ मार्च मेरेन येलो अलर्ट जारी केला. आयज पणजेचें तापमान ३६.८ अंश नोंद जालां, जे सरासरी परस ४.१ अंश चड आसा. तशेंच होळये पयलींच हेर राज्यांत उश्ण ल्हाराच्या चपक्यांत सांपडल्यांत. हातूंत गुजरात, महाराष्ट्र आनी राजस्थानांतल्य जायत्या भागांचो आसपाव आसा.
गुजरात आनी राजस्थानांतल्या डझनभरांतल्यान चड शारांनी तापमान ४० अंशां फुडें गेलां. जायत्या सुवातांचेर तापमान सरासरी परस ८.८ अंश सेल्सियसान चड आसा. सेगीत दुसर्या दिसा गुजरात, महाराष्ट्र आनी राजस्थानांतल्या १७ शारांनी चडांत चड तापमान ४० अंशां परस चड नोंद जाला. विदर्भातल्या जायत्या शारांनी बुधवारा ४० अंशां परस चड तापमान आशिल्लो. बिरेस्तारच्यान गुजरात, शेजारच्या राजस्थान आनी पश्चीम दयारदेगांचेर कोंकण प्रदेशांत तापमान देंवपाची शक्यताय आसा. मात उश्णतायेची लाट कायम उरतली.
गोंय तापलां
बिरेस्तारा गोंयच्या पणजेचें तापमान ३६.८ अंशाचेर आशिल्ल्याची म्हायती हवामान खात्यान दिल्या. जाल्यार बुधवारा ११ राज्यांतलो पारो ३८ अंशां वयर उरलो. राजकोटाक सगल्यांत चड तापमान ४२.१ अंश नोंद जालो, जो सरासरी परस ६.७ अंश चड आशिल्लें. राजस्थानच्या बाडमेराक तापमान ४०.६ अंश जें ५.९ अंशांनी चड आसा.
विदर्भांत तापिल्लीं शारां
अकोला ४१.३
ब्रह्मपुरी ४०.४
चंद्रपूर ४०.६
नागपूर ४०.२
वर्धा ४०.०
यवतमाळ ४०.०
हीटवेव्ह म्हणल्यार…
तापमान ४० डिग्री चड वा सरासरी परस ४.६ डिग्री मेरेन चड आसल्यार उश्णतायेचें ल्हार मानतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
