भांगरभूंय | प्रतिनिधी
पणजी ः कोंकणी भास, संगीत, लोककला, बॉलिहूड अशा विविध विशयांची तुमकां आवड आनी जाण आसा जाल्यार आकाशवाणी पणजी तुमकां तातुरत्या कराराचेर कोंकणी निवेदक जावपाची संद दिता.
शिक्षणीक पात्रताय – पदवी मेरेनचें शिक्षण. पिराय – एफएम रेन्बो खातीर 21 ते 40 वर्सां. कोंकणी वांगडा मराठी भाशेचें गिन्यान गरजेचें. अर्जा वांगडा शिक्षणीक दाखलो तशेंच आधार आनी पॅन कार्ड ह्या दाखल्या सयत फोटो हाडपाक जाय.
कामाच्या दिसांनी 11 ते 1 वरां मजगती अर्ज घेवन आकाशवाणी पणजी, आल्तीन- पणजे हांगा येवचें. अर्ज करपाची निमाणी तारीख 17 मार्च आसा. अर्जा वांगडा परिक्षे खातीर फी भरची पडटली. तशेंच हे जागे तात्पुरत्या कराराचेरच आसात, हें लक्षांत घेवचें, अशें आकाशवाणीन कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
