भांगरभूंय | प्रतिनिधी
नवी दिल्ली, खबरां संस्था : मुंबयच्यान न्यूयॉर्क वचपी एअर इंडियाचें विमान एआय- ११९ क बॉम्बान उडोवपाची धमकी दिल्ली. ८ वरां ३७ मिनिटांच्या उड्डाण वेळा उपरांत, विमान मुंबय वटेन वळयलें. विमानांत १९ क्रू मेंबर्स सयत ३२२ प्रवासी आशिल्ले.
एअर इंडियान सांगलें, विमानाच्या वॉशरूमांत एक चीट सांपडली, जातूंत बॉम्ब घालपाची धमकी दिल्या. सुरक्षे खातीर तें परत मुंबय हाडपाचो निर्णय घेतलो. विमान १०:२५ वरांचेर मुंबय पावलें. एअर इंडियाचें विमान AI119 न मुंबय विमानतळाच्या टर्मिनल- २ वेल्यान सकाळीं १:४३ वरांचेर न्यू यॉर्क खातीर उड्डाण केलें.
११ मार्च दिसा सकाळीं ५ वरांचें विमानाचें वेळापत्रक बदल्लें. विमान कंपनीन सांगलें, आतां ११ मार्चाक सकाळीं ५ वरांचेर उड्डाणाचें वेळापत्रक बदल्लां. प्रवाशांक हॉटेलांत रावपाची, जेवणाची आनी हेर गरजेची मुजत केल्या. प्रवाशांची कसलीच गैरवेवस्था जावची न्हय म्हणून आमची टीम सेगीत जमनीचेर काम करता. आमकां म्हत्वाचें तें म्हणल्यार कर्मचार्यांची सुरक्षितताय. सध्या सुरक्षा यंत्रणां ह्या प्रकरणाचो तपास करतात.
६ मार्चाक शिकागो- दिल्ली विमानाचें स्थलांतर केलें. ह्यान पयलीं ६ मार्चाकक शिकागोच्यान दिल्लीक वचपी एअर इंडियाच्या दुसर्या विमानाक तांत्रीक इबाडाक लागून उड्डाणाच्या पांच वरां उपरांत शिकागोक परतुचें पडिल्लें.
विमान कंपनीच्या प्रवक्त्यान सांगलें, ६ मार्च २०२५ दिसा विमान ग्रीनलँड वेल्यान वतालें, तेन्ना विमानांतलीं १२ मदलीं ११ शौचालयां निकामी जालीं. सुमार ३०० प्रवाशां खातीर फकत एकूच शौचालय कार्यरत उरलें, जे बिझनेस क्लासींत आशिल्लें. अशे परिस्थितींत, १४ वरांच्या प्रवासा उपरांत, विमानाक शिकागोच्या ओ’हारे आंतरराष्ट्रीय विमानतळार परतपाचो निर्णय घेवचो पडलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
