भांगरभूंय | प्रतिनिधी
छत्रपती संभाजीनगर, खबरां संस्था: ह्या जिल्ह्यांतल्या कन्नड पिशोर रस्त्यार उसाच्या ट्रकाचो भिरांकूळ अपघात जाला. तातूंत ट्रका पोंदा १७ मानाय चिड्डल्ल्याची म्हायती मुखार आयल्या. ६ जाणांक मरण आयलां. जाल्यार ११ जाण जखमी आसात. रातच्या १२ ते १ मजगतीं हो अपघात जालो.
चड म्हायती प्रमाण, उसान भरिल्ल्या ट्रकार बसून १७ मजूर वताले. तेन्ना अचकीत ट्रक उमथलो. मानाय उसा पोंदा चिड्डले. मात मध्यरातीची वेळ आशिल्ल्यान वेळार मजत मेळूंक ना. अपघाताचे सुवातेर हजर आशिल्ल्या लोकानी मानायांक भायर काडले. तांतल्या १३ जाणांक वाटावपाक येस आयलें.
सध्या जखमींचेर हॉस्पिटलांत उपचार सुरू आसा. मात ही घडणूक नेमकी कशी आनी कोणाचे चुकीक लागून जाली हाचो तपास पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
