भांगरभूंय | प्रतिनिधी
वास्को ः दिल्ली सावन वास्को गांजो विकपाक आयिल्ल्या दोग जाणांक पुलिसांनी अटक करुन तांचे कडल्यान गांजो जप्त केलो.
पुलिसांनी दिल्ले म्हायती प्रमाण, जप्त केल्लो गांजो सुमार 4 किल 28 ग्राम आसा. ताचें बाजार मोल 4 लाख रुपया आसा. दुबावित येशुनंद फ्रासिस सोझा (३३, खानापूर बेळगाव) आनी जम्स स्वामी उर्फ आयन रफिक शेख (३५ वागोली – पुणे महाराष्ट्र) हांचेर गुन्यांव नोंद करुन पुलिसांनी तांकां अटक केल्या.
शुक्रारा, 7 तारखेर सांजवेळा 6:30 वरांचेर वास्को पिशी दोंगरी – खारीवाडो लक्ष्मी देवूळ वाठारांत वास्को पुलीस गस्त घालता आसतना तांकां दोन अनवळखी व्यक्तींचेर दुबाव आयलो आनी तांणी तांची चवकशी केली. ह्या वेळार दोगांयनी पुलिसांक योग्य म्हायती दिवंक नाशिल्ल्यान गस्त घालपी उपनिरिक्षक मयूर सावंत, सहाय्यक पुलीस उपनिरिक्षक समीर नागनोरी, हवालदार संतोष भाटकार, हवालदार पुरुषोत्तम नायक आनी आशीष आरोलकार हांणी ताची तपासणी केली. त्या वेळार पुलिसांक एका दुबाविताच्या बॅगेंत गांजो मेळ्ळो.
दोगूय दुबावित गांजो घेवन मोहाली- दिल्लींतल्यान गोंयांत आयिल्ले. उपरांत तें गोंयांतल्यान पुणे – महाराष्ट्रांत वचपाचे आशिल्लें अशी म्हायती पुलीस निरिक्षक नायक हांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
