भांगरभूंय | प्रतिनिधी
जोयडा, खबरां संस्था: जोयडा म्हालांतल्या पूर्व भागांत येवपी गणेशगुडी – दांडेली, बर्ची रस्त्यार बिरेस्तारा दनपरां एक वागिण आनी तिचें पील रस्तो हुपतना दिसलें. रस्त्यावेल्यान वचपी पर्यटकांनी तांचो व्हिडियो काडला.
जोयडा म्हालांतल्या पूर्व भागांत बर्ची वन वाठारांत वाग व्हडा प्रमाणांत आशिल्ल्याचें जायते फावट कळ्ळां. परतून परतून ह्या वाठारांत वाघांचें दर्शन जायत आसता. जनावरांचेर हल्ले करून तांकां मारपाचे प्रकार ५० परस चड घडटात. हाका लागून ह्या वाठारांत वागांचो संचार परतून परतून दिसता.
बिरेस्तारा दनपरां दांडेली हांगच्यान जोयडा म्हालांतल्या गणेशगुडी हांगा काळे न्हंयेचेर वचपी पर्यटकांक वाग आनी तिचें पील दिसून आयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
