भांगरभूंय | प्रतिनिधी
१२ जाणांक मरण, ३० परस चड जखमी
इस्लामाबाद, खबरां संस्था: संवसारीक पांवड्यावेल्या चॅम्पियन्स ट्रॉफी हे क्रिकेट सर्तीची सेमी फायनल लाहोरांत जावपाची आसा. दक्षीण आफ्रिका आड न्यूझीलंडच्या संघा मदीं जावपी हे मॅची पयली पाकिस्तानांत काल रातीं उसरां बॉम्ब हल्लो जालो.
राष्ट्रपती आसिफ अली झरदारी हांणी ह्या हल्ल्याची निंदा केल्या. रमजानच्या पवित्र म्हयन्यांत पाकिस्तानांत जाल्ल्या ह्या हल्ल्यांत आतां मेरेन ७ ल्हान भुरग्यां सयत १२ जाणांक मरण आयलां. जाल्यार ३० जाण जखमी जाल्यात. तहरीक-ए-तालिबान हे आतंकवादी संघटनेच्या ६ आतंकवाद्यांक लश्करान मारल्यात.
हो हल्लो इतलो खर आशिल्लो, मशिदे एका खिणांतूच कोसळ्ळी. घडणुके सुवातेर बोवाळ जालो आनी थंय मेल्ल्या मनशांची रास पडली.
हल्लो करप्यांनी बन्नू तळाच्या प्रवेशदारांतल्यान स्फोटकांनी भरिल्ल्यो दोन गाडयो भितर हाडल्यो आनी एकामेकांक धपको दिवन स्फोट केलो. मंगळारा पाकच्या लश्करी तळ वाठारांत दोन स्फोट जाले आनी लागसारच्या वाठारांत धुंवर पातळ्ळो. मजगतीं फारपेटाचोय आवाज जालो. हे स्फोट इतले भिरांकूळ आशिल्ले, ४- ४ फुटांच्या अंतराचेर रस्त्यांत दोन व्हड फोंडकुलां तयार जालीं. ८ घरां उध्वस्त जालीं.
१२ आतंकवाद्यांनी पाकिस्तानाच्या लश्करी तळार हो हल्लो केलो. तांचे कडेन जाल्ले चकमकींत लश्करान ६ आतंकवाद्यांक सोंपयले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
