भांगरभूंय | प्रतिनिधी
पणजी: मयड्यां पार्क केल्ली मोटार उज्यांत लासून गोबर जाली. ही घडणुकेंत 6 लाखांचें लुकसाण जालें. म्हापशें उजो पालोवपी दळान उजो पालयलो. पूण उज्याचें कारण स्पश्ट जाल्लें ना.
मेळिल्ले म्हायती प्रमाण सांजवेळा 3.55 वरांच्या सुमाराक ही घडणूक घडली. मयड्यां नोवा पुर्तुगाल वाठारांतल्या राबितो व्हिला प्रकल्पाच्या प्राकारांत पार्क केल्ल्या वाहनां मदीं गॉडफ्री रायन हांच्या मालकीच्या एमएच 01 सीडी 6972 क्रमांचे महिंद्रा मोटारीक अचकीत उजो लागलो. हे मोटारीचे कुशीक अजून मोटारी आशिल्ल्यो. त्यो थंय सावन हालयल्यो. ताका लागून व्हड लुकसाण टळ्ळें.
घडणुकेची म्हायती मेळटकच म्हापशें उजो पालोवपी दळाचे सुरज शेटगांवकार, आनंद बादेकार, सुनील बाणावलीकार, भगवान पाळणी आनी सिध्देश शेट ह्या जवानांनी उज्याचेर नियंत्रण हाडलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
