भांगरभूंय | प्रतिनिधी
भांगरभूंय । प्रतिनिधी
दिवचलः मानिनी आप मजत पंगडा वतीन मंगळाराक श्री सिद्धिविनायक देवस्थान सभाघरांत उद्देग मार्गदर्शन आनी रानां महोत्सव जालो. कार्यावळीक मुखेल सोयरो म्हणून पिळगांवच्या आयडीएल हायस्कूलाचो संस्थापक आनी निवृत्त मुख्याध्यापक रामचंद्र गर्दे हाजीर आशिल्ले. जाल्यार मानाची सोयरी म्हणून शिल्पा सांवत हाजीर आशिल्ली.
कसल्याय कामांत आत्मसंतोष मेळप सगल्यांत म्हत्वाचें आसता. आपलें काम कसल्याच फळाची अपेक्षा धरनास्तना केल्यार आत्मसंतोष मेळता, काम करीत रावल्यार वेगवेगळ्यो कल्पना मनांत येवपाक लागतात अशें गर्दे हांणी सांगलें. शिल्पा सावंत हिणे आपलो वेवसायाची म्हायती दिली. बायलांक करपाक सोप्या अश्या वेवसायाांचीय तिणे म्हायती दिली. शमा नायका हाणे नव्या वेवसायांची म्हायती दिली.
कार्यावळींत कविता आनी कथा वाचन जान्हवी गर्दे हिणे केलें, भक्ती सिद्धेश चणेकारान उपकार मानले. सूत्रसंचाल दीपा देविदास जांबळे हिणे केले. रोपे लायले उपरांत कार्यावळ सोपली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
