भांगरभूंय | प्रतिनिधी
फोंडेंः सरकारी अनुदान नासून लेगीत फोंडें कार्नाव्हाल व्हड उमेदीन मनयलो. वेगळ्यावेगळ्या धर्मांतल्यान जायत्या जाणांनी परेड कार्यावळ घडोवन हाडपा खातीर देणगी दिल्यो. रानवटी जनावरांची राखण करपा खातीर दिवपी संदेशांचेर आदारिल्ले जायते फ्लोट, चित्ररथ आशिल्ल्यान मिरवणुकेक बरी सोबा आयली. ह्या वेळार वाग, गव्यांचें दर्शन जालें.
परंपरीक फुलांचो वेवसाय, शेती वेवसाय ह्या चित्ररथांचो आस्पाव आशिल्लो. परंपरा वा दयाज राखपा खातीर फ्लोट संदेश दिवपी पळोवन नागरिकांक खूब मजा आयली. तरणाट्यांनी आनी जाण्ट्यांनीय, मिरवणुकेंत नाचून आपली कुशळटाय दाखयली. फोंडें पिपल्स कार्नाव्हाल समितीचे वांगडी ऑगस्टीनो फर्नांडीस आनी हेर वांगडी हांणी उक्तावण केलें. उक्तावणाक राजकी फुडारी नाशिल्ले, तरी लेगीत सगल्या समाजांतल्या हजारांनी लोकांनी वांटो घेतलो आनी मिरवणुकेची मजा घेतली.
तिस्क फोंडें ते फोंडें पोरणो बस स्टॅण्ड मेरेन मिरवणूक सुरू जाली. एफ्रेम फर्नांडीसान किंग मोमो आनी रेनिसा फर्नांडीस हाणें क्वीन्स रोल केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
