भांगरभूंय | प्रतिनिधी
पर्वरे: संवसारीक रान जीव दिसा निमतान विद्या प्रबोधिनी महाविद्यालयान तांच्या सैमीक क्लबा वरवीं ऑलिव्ह रिडले हे दर्यांतले कांसव सांबाळपाचेर एक सामकें म्हत्वाच्या चर्चासत्राचें आयोजन केल्लें. हें चर्चासत्र ह्या कांसवांच्या घोटेराचें मुखेल ठिकाण आशिल्ल्या टेमवाडो – मोरजे आयोजीत केल्लें. हे कार्यावळीचो मुखेल हेत म्हळ्यार दर्यांतल्या जिवीताचें, विशेश म्हळ्यार धोक्यांत आयिल्ल्या ऑलिव्ह रिडले दर्यांतल्या कांसवांचो सांबाळ करून कांसवांच्या गरजे विशीं जागरुकताय निर्माण करप आशिल्लो.
गोंय सरकाराच्या रान विभागांतल्या रान जीव आनी पर्यावरण-पर्यटन उत्तर विभाग, मोरजीम मरीन रेंज आनी गोंय राज्य हवामान बदल कक्ष हांच्या सहकार्यान हें चर्चासत्र आयोजीत केल्लें
कार्यावळीचे सुरवातेक सैम क्लबाचे समन्वयक डॉ. उध्दव पोळ हांणी हे कार्यावळीचें प्रास्तावीक केलें आनी सगळ्यांक येवकार दिलो. हे कार्यावळीक रान आनी पर्यावरण मळावेले मानेस्त हजर आशिल्ले. आरएफओ आत्माराम गांवस, रेंज फॉरेस्टर सहयोग एस. पेडणेंकार, रानरक्षक शिवानंद गांवस आनी चंदू नायक, तशेंच रान विभागाचे एव्हलिन डिसिल्वा, प्रतीक शेट्ये, गोंय राज्य हवामान बदल कक्षाच्या प्रकल्प शास्त्रज्ञ डॉ. अपूर्वा सावंत आनी वैज्ञानीक प्रशासकीय सहाय्यक सुश्री सलोनी काकोडकार हीं ह्या वेळार हजर आशिल्लीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
