भांगरभूंय | प्रतिनिधी
पणजी : सोमारा राज्यांतल्या तापमानांत वाड कायम आशिल्ली. पणजे ३७ अंश जाल्यार मुरगांवां ३६.७ अंश सेल्सियस चडांत चड तापमानाची नोंद जाली. फुडले पांच दीस राज्यांतलो चडांत चड तापमान ३६ ते ३७ अंश सेल्सिअस मजगतीं उरपाची शक्यताय आसा. ३ ते ५ मार्चाक राज्यांत कांय सुवातांचेर वातावरण उश्ण आनी दमट उरपाची शक्यताय आसा. ह्या तीन दिसां खातीर हवामान खात्यान उश्णतायेचो येलो अलर्ट जारी केला.
फाटलें सप्तकभर पणजेचो चडांत चड तापमान पांच दीस ३७ अंशाचेर गेल्लो. फाटल्या बुधवारा पणजे फेब्रुवारी म्हयन्यांत पांचव्या सगल्यांत चड तापमानाची नोंद जाल्ली. गोंयचें वातावरण उश्ण आनी दमट जरी आसलें तरी उश्णतायेचें ल्हान नाशिल्ल्याचें हवामान खात्याच्या अधिकार्यांनी स्पश्ट केलें.
गोंयां सारक्या दर्यादेग वाठारांत सेगीत दोन दीस राज्यांतल्या दोन हवामान केंद्रांनी चडांत चड तापामानांत ४.५ अंशाची वाड जावन तें ३७ अंशा वयर गेल्यार उश्णतेच्या ल्हाराची घोशणा करता. सोमारा पणजे उण्यांत उणें २३.५ अंश जाल्यार मुरगांवां उण्यांत उणें २३.३ अंश सेल्सिअस तापमानाची नोंद जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
