भांगरभूंय | प्रतिनिधी
अंमलबजावणी संचालनालयान (ED) फिनटेक फर्म पेटीएमची धनी कंपनी वन९७ कम्युनिकेशन्साक दोन उपकंपन्यांच्या अधिग्रहणा विशीं कांय फेमा (FEMA) नेम पाळूंक नाशिल्ल्या आरोपा खाला नोटीस धाडल्या. एक्सचेंज फायलिंगांत हे विशीं म्हायती दिल्या.
वन९७ कम्युनिकेशन्स (OCL) कडेन पेटीएम ब्रँड आसा. मजगतीं, वन९७ न बीएसईक तांचे कडेन जोडिल्ल्या लिटल इंटरनेट प्रायव्हेट लिमिटेड आनी निअरबाय इंडिया प्रायव्हेट लिमिटेडान फेमा कायदे मोडिल्ले विशीं २८ फेब्रुवारीक ई़डीची नोटीस मेळिल्ल्याची म्हायती दिली.
फायलिंगांत दिल्ले म्हायती प्रमाण, हे कंपनीन ग्रुपऑनकडल्या (Groupon) लिटिल इंटरनेट प्रायव्हेट लिमिटेड (LIPL) आनी निअरबाय इंडिया प्रायव्हेट लिमिटेड (NIPL) ह्या दोन कंपन्यां सयत थारावीक संचालक आनी अधिकार्यांच्या अधिग्रहणा विशीं २०१५ ते २०१९ वर्सांनी परकीय चलन वेवस्थापन कायदो, १९९९ (FEMA) खाला येवपी नेम मोडिल्ले विशीं आसा.
ही नोटीस वन९७ कम्युनिकेशन्स लिमिटेड आनी तांणी अधिग्रहण केल्ल्यो दोन उपकंपन्यो एलआयपीएल आनी एनआयपीएल हांकां तशेंच ह्या कंपन्यांच्या कांय सध्याच्या आनी भूतकाळांल्या संचालक आनी अधिकार्यांक दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
