गोंय विद्यापीठाक जाय प्रकल्प सहाय्यक, ज्युनियर संशोधन वांगडी

भांगरभूंय | प्रतिनिधी

पणजी ः गोंय विद्यापीठान गोंय राज्य संशोधन फांवडेशन पुरस्कृत “Biodiversity, women’s agency, social perception and livelihood options in Ramsar site of Goa” ह्या विशया वयल्या संशोधन प्रकल्पाचेर काम करपाक पुराय तात्पुरत्या एका प्रकल्प सहाय्यक पदा खातीर पात्र आनी इत्सुक उमेदवारां कडल्यान अर्ज मागयल्यात.
प्रकल्पाचो कार्यकाळ स म्हयन्यांचो आसून उमेदवारा कडेन अर्थशास्त्रातली मास्टर/ पदवी पात्रताय आसपाक जाय. म्हयन्याक 20,000/- रूपया शिश्यवृत्ती आसतली.
मुलाखत 10 मार्चाक, सकाळीं 11 वरांचेर प्राणिशास्त्र कचेरी, जीवशास्त्र आनी जीवतंत्रज्ञान विभाग, ब्लॉक-ई, गोंय विद्यापीठांत जातली. उमेदवारांनी आपलो अर्ज, सीव्ही आनी दाखल्यांच्यो प्रती मुखेल संशोधक डॉ. मिनल देसाय शिरोडकार हांकां (minal.desai@unigoa .ac.in) ह्या ई-मेलाचेर धाडच्यो. तशेंच गोंय विद्यापीठान केंद्रीय पर्यावरण, रानां आनी हवामान बदल मंत्रालय पुरस्कृत “Evaluation of Ecosystem Functioning using Herpetofauna as a Model System in Goa and Adjoining Areas” ह्या विशया वयल्या संशोधन प्रकल्पाचेर काम करपाक दोन ज्युनियर संशोधन वांगडी पदा खातीर पात्र उमेदवारां कडल्यान अर्ज मागयल्यात.
प्रकल्पाचो कार्यकाळ दोन वर्सां आसून निवड जाल्ल्या उमेदवारांक गोंय, महाराष्ट्र आनी कर्नाटकाच्या वाठारांत काम करचे पडटले. म्हयन्यांक 37,000/- रूपया शिश्यवृत्ती पालव आनी 16 टक्के घरभाडे भत्तो दितले.
संशोधन वांगडी पदा खातीर गोंय विद्यापीठ आदारीत उमेदवारा कडेन CSR-UGC NET वा GATE पात्रताये सयत प्राणिशास्त्र/जीवशास्त्र/पर्यावरण शास्त्रात एमएससी पात्रताय आसपाक जाय. तशेंच संबंदीत क्षेत्रांत दोन वर्सा कामाचो अणभव आसपाक जाय.
इत्सुक आनी पात्र उमेदवारांनी आपलो अर्ज, सीव्ही आनी दाखल्यांच्यो प्रती मुखेल संशोधक डॉ. नितीन एन. सावंत हांका [email protected] ह्या ई-मेलाचेर 10 मार्च मेरेन धाडचे. पात्र उमेदवारांक 17 मार्चाक मुलाखती खातीर आपयतले.