भांगरभूंय | प्रतिनिधी
वॉशिंग्टन, खबरां संस्था: अमेरिकेची खासगी अंतराळ कंपनी स्पेसएक्सची दुसरी चंद्र मोहीम, अथेना आयएम-२, आयज सकाळीं भारतीय वेळे प्रमाण ५:४५ वरांचेर प्रक्षेपीत केली. अमेरिकेंतल्या केनेडी स्पेस सेंटरच्यान फाल्कन ९ रॉकेटा वरवीं हें प्रक्षेपीत केलें.
फाटल्या दोन म्हयन्यांत स्पेसएक्सान चंद्रार धाडिल्लें हें दुसरें लँडर. १५ जानेवारी २०२५ दिसा, पयलें मून लँडर ओडिशिअम आयएम-२ मळबांत धाडलें. २२ फेब्रुवारीक तांणी चंद्रार सॉफ्ट लँडींग केलें. मात कांय वेळान तें परतलें. पयलो लँडर अपेशी जाले उपरांत स्पेसएक्सान पांच दिसांनी दुसरी चंद्र मोहीम सुरू केली.
लँडर चंद्रार केन्ना देंवलें?
हें चंद्र लँडर धर्तरे पसून चंद्रा मेरेनचें अंतर ८ दिसांनी पुराय करतले. ताचे चंद्रार सॉफ्ट लँडींग ६ मार्चाक जातलें. हे इन्ट्युट्यूव्ह मशीन्स (IM²) नांवाच्या कंपनीन केलां. चंद्रावेल्या लँडराचें अथेना आयएम-२ नांवूय ह्याच नांवा वेल्यान दवरलां. अथेना मून लँडर चंद्राच्या दक्षीण ध्रुवा लागसारच्या मॉन्स माउटनाचेर देंवतलें. हो चंद्रार आशिल्लो सगळ्यांत व्हड पर्वत. जो १०० किमी मेरेन पातळ्ळा आनी २० हजार फूट उंच आसा.
चंद्र मोहिमेक कितले दीस लागतले?
चंद्रार देंवले उपरांत मून लँडर सुमार १० दीस काम करपाक शकतलें. लँडरांत GRACE नांवाचो एक ल्हान रोबोटीक मायक्रो नोव्हा हॉपर आसा. तशेंच, चार चाकी मायक्रोवेव्ह आकाराचो रोव्हरूय आसा, जो चंद्राच्या पृष्ठभागावेलो डेटा एकठांय करतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
