भांगरभूंय | प्रतिनिधी
नवी दिल्ली, खबरां संस्था ः संवसारभर तांतयांचे वेगवेगळे पदार्थ तयार करतात. हालींच खाणां आनी प्रवास मार्गदर्शक टेस्ट अॅटलासान संवसारांतल्या सगळ्यांत बऱ्या तांतयांच्या पदार्थांची वळेरी जाहीर केल्या. हे वळेरेंत ‘इंडियन मसाला ऑमलेट’ 22 वे सुवातेर आसा. ह्या वळेरेंत पयल्या क्रमांकाचेर जपानचो अजित्सुके तामागो हो जिनस आसा. ताचे उपरांत फिलीपीन्सचो टोर्टांग टालोंग दुसरे आनी ग्रीसचो स्टाका मे आयगा तिसरे सुवातेर आसा.
भारतीय मसाल्याचें ऑमलेट तांतयां, कांदो, टोमॅटो, मिरसांग आनी भारतीय मसाले मिक्स घालून तयार करतात. भारतीय घरांनी आनी स्ट्रीट फूड खाणांनी भारतीय मसाला ऑम्लेट खूब फामाद आसा.
मसाला ऑमलेट रुचीक आसाच तेच बरोबर तांतूत पोशणूय भरपूर आसता. एका मसाला ऑमलेटांत सादारणपणान सुमार 13- 14 ग्राम प्रथिनां मेळटात. हाका लागून पोट भरून उरता आनी स्नायू तयार करपाक मजत जाता. तातूंत मेळपी लोखण आनी पोटॅशियम हें तांबड्या रगतपेशींचें निरोगीपण दवरपा खातीर आनी कुडींत द्रव समतोल दवरपा खातीर गरजेचें आसता. ताची कमी कार्ब आनी चड प्रथिन आशिल्ली रचणूक रगतांतली साकर स्थीर करपाक मजत करूंक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
