साकोड्ड्यां फाल्यां ‘शिव महोत्सव’
भांगरभूंय | प्रतिनिधी
भांगरभूंय । खबरां मेज
पणजी : गोंय पर्यटन उदरगत महामंडळा वतीन (जीटीडीसी) २५ फेब्रुवारीक सांजवेळा ५ ते १० मेरेन साकोड्डें- मोल्यां सातपाल मैदानाचेर ‘शिव महोत्सव’ आयोजीत केला.
हे कार्यावळीक मानाचे सोयरे म्हूण अभिनेत्री सोनाली कुलकर्णी, गायक अवधूत गुप्ते हाजीर रावतले. ह्या वेळार शिवगणां वतीन धोल ताशाचें वाजप जातलें. तशेंच शिव स्तुती नृत्य नाटिका जातली. भरतनाट्यम कलाकार पवित्रा भट हांचो शिवभक्तीचेर भरतनाट्यम नाच जातलो. नामनेचे गायक कलाकार सुदेश भोसले हांचो आॅर्केस्ट्रा जातलो. हातूंत शिवस्तुती, भक्तीगीत आनी हेर गितां सादर जातलीं. उपरांत गंगा आरती सुवाळो जातलो. ह्यो कार्यावळी सगल्यां खातीर मुफत आसात.
बुधवारा २६ वेर तांबडी सुर्लाच्या महादेव देवळांत प्रसाद वांटप जातलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
