भांगरभूंय | प्रतिनिधी
वास्को: वास्कोच्या रवींद्र भवनान कोंकणी चित्रपट महोत्सवा खाला तीन कोंकणी चित्रपटांचें आयोजन केलां. हो महोत्सव २४ ते २६ फेब्रुवारीक जातलो. हो चित्रपट महोत्सव सगळ्यां खातीर मुफत आशिल्ल्याची रवींद्र भवनाचे अध्यक्ष जयंत जाधव हांणी दिली.
ह्या वेळार उपाध्यक्ष डॉ. धर्मेंद्र प्रभुदेसाय, सदस्य शांताराम पराडकार, रवळनाथ पेडणेंकार, अंकुश च्यारी, दामू कोचरेकार, सदानंद घोणसेकार, दिलीप काजळे तशेंच प्रवेश आमोणकार, रवींद्र भवनाचे अधिकारी बरेश नायक हजर आशिल्ले.
ह्या महोत्सवाचें उक्तावण मुरगांवचे आमदार संकल्प आमोणकार हांचे हस्तकीं जातलें. २४ फेब्रुवारीक सांजेवेळार सात वरांचेर दिग्दर्शक निहाल च्यारी हांचो ’आदेस’ आनी ‘सवंग’ हे दोन कोंकणी शॉर्ट फिल्म दाखयतले. ताचे पयलीं ‘श्री गजानन गणाराया’ आनी ‘श्री दामोदर म्हजा देवा’ ह्या दोन म्युझीक व्हिडिओचें सादरीकरण जातलें. २५ फेब्रुवारीक सांजेवेळार सात वरांचेर ‘काजरो’. जाल्यार २६ दिसा ‘पेद्रू पोदेर’ हें कोंकणी फिचर फिल्म दाखयतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
