भांगरभूंय | प्रतिनिधी
बेळगांव ः कर्नाटकांत महाराष्ट्र महामंडळाच्या एसटी बशींक काल रातीं काळे पुसपाची घडणूक घडली. बशीच्या ड्रायव्हराकूय काळो रंग लावन बडयलो. हे घडणुकेचेर महाराष्ट्रांत तिडकीचें ल्हार पातळ्ळां. ठाकरे सेना आक्रमक जाल्ल्यान राज्यांतल्यान कर्नाटकाक वचपी एसटी बस येरादारी थांबयल्या. ह्या वादाच्या फाटभुंयेर आतां खंयचीच एसटी बस कर्नाटकांत वच्ची ना अशी म्हायती मेळ्ळ्या.
नेमके प्रकरण कितें?
मेळिल्ले म्हायती प्रमाण, पुणे- बंगळुरू म्हामार्गावेल्या चित्रदुर्ग शारांत महाराष्ट्र एसटी आडावन कन्नड रक्षण वेदिकेच्या वावुरप्यांनी ड्रायव्हराक मारपेट केली. ही घडणूक काल रातीं घडली. तुका कन्नड भास कळटा रे? अशें विचारुन ताका बडयलो. मागीर ताच्या तोंडाक काळो रंग पुसलो. हे घडणुकेचो उद्धव ठाकरेचो शिवसेना पक्ष कोल्हापूरांत खर निदर्शनां करता.
हे घडणुकेचो परिणाम आयज कोल्हापूरांत जाणवता. हांगाच्या सेंट्रल बस स्टॅण्ड वाठारांत कोल्हापूरांत येवपी कर्नाटक राज्य एसटी बशींक शिवसेनेचे वावुरपी आडायतात. मजगतीं, महाराष्ट्रा सावन कर्नाटकांत वचपी एसटी येरादारी तात्पुरती थांबवपाचो निर्णय म्हामंडळान घेतला.
शिवसेने वतीन कर्नाटक एसटीचेर केसरी ध्वज लायल्यात आनी ठाकरे गटाचे फुडारी कर्नाटक सरकार आनी कन्नड रक्षण वेदिकेच्या कार्यकर्त्यां आड घोशणा दितात. मजगतीं, निशेध करपी ठाकरे गटाच्या कार्यकर्त्यांक पुलिसांनी ताब्यांत घेतल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
