भांगरभूंय | प्रतिनिधी
पणजी : आयज छत्रपती शिवाजीराजे भोसले हांची जयंती (तिथी प्रमाण). महाराष्ट्र, गोंय, कर्नाटक, तामिळनाडू तशेंच देश विदेशांतूय शिवजयंती व्हडा उमेदीन मनयतात. गोंयांतूय फोंडेंचो किल्लो फार्मागुढयेर आयज सकाळीं मुख्यमंत्री डॉ. प्रमोद सावंत हांणी गोंयकारांक सांगलें. तांणी ल्हान भुरगीं आनी विद्यार्थ्यांनी छत्रपतींचे जिणेंतल्या जायत्या प्रसंगांतल्यान धडो घेवन आपली जीण जगची आनी तुमच्या स्वरूपांत समाजांत एक सक्षम पिळगी उबो रावची अशें म्हणलें. ह्या वेळार विवीध मानेस्त हजर आशिल्ले.
गोंयांत मनोवपी शिवजयंती उत्सवाक जायत्या दसकांचो इतिहास आसा. फकत हिंदुच न्हय, छत्रपती शिवाजी महाराज हे विवीध धर्मांचें अनुसरण करपी लोकांचें श्रद्धास्थान. छत्रपती शिवाजी महाराज आनी छत्रपती संभाजी महाराज हांच्या पराक्रमाक लागूनच गोंय आपली संस्कृती तिगोवन दवरपाक शकलें. मात फाटल्या कांय वर्सां सावन गोंयच्या कांय घटकां वतीन धर्मीक एकवट इबाडपाचो यत्न करतात. फाटल्या दिसांनी प्रा. वेलिंगकरांनी सेंट फ्रान्सिस झेवियर हांच्या डीएनए चाचणीची मागणी केल्ली तेन्ना बरोच बोवाळ जाल्लो.
मजगतीं, परत प्रा. वेलिंगकार हांणी आदलो मुद्दो हजर केला. तांणी २० नोव्हेंबर १९७० वर्सा गोंय सरकाराचे तेन्नाचे महसूल सचीव डॉ. जे सी आल्मेदा हांणी जारी केल्ले अधिसुचवणेचो कांय भाग आपल्या फेसबूक वॉलाचेर पोस्ट केला.
तांणी असो पोस्ट केला
‘गोंयचे पयले मुख्यमंत्री, स. भाऊसायब हांचे कारकिर्दीतूच गोंयची सगळ्यांत चड लोकसंख्या आशिल्ल्या वास्को शाराचें नांव राष्ट्रीय नदरेन बदलून संभाजी अशें दवरिल्लें. हे विशीं महसूल विभागाचे तेन्नाचे महसूल सचीव डॉ. जे.सी.आल्मेदा हांणी आदेशपत्र काडिल्लें. वास्कोचे आमदार दाजी साळकार हांणी छत्रपती संभाजी महाराजांच्या पुतळ्याचें हालींच अनावरण केलें. मुरगांव नगरपालिका, गोंय विधानसभा आनी केंद्र सरकाराच्या ट्रिपल इंजिन भाजप सरकाराच्या प्रशासनाचो लाव घेत भाजप सरकारान प्रशासकीय सोपस्कार पूर्ण करीत गोंयांक ‘वास्को द गामा’ ह्या दरोडेखोराच्या नांवाक लागून लागिल्ल्या कलंकांतल्यान मुक्त करचें.’
छत्रपती शिवाजी महाराजांनी तांच्या शिस्तबद्ध सैन्याच्या आनी सुवेवस्थीत प्रशासकीय तुकड्यांचे मजतीन मदतीने एक सक्षम आनी प्रगतीशील प्रशासन दिलें. तांणी युद्धशास्त्रात जायते नवे सोद लायले आनी गनिमी युद्धाची एक नवी शैली (शिवसूत्र) विकसीत केली. तांणी प्राचीन हिंदू राजकीय रिती रिवाज आनी दरबारांतलो शिश्टाचार पुनरुज्जीवीत केलो आनी मराठी आनी संस्कृताक अधिकृत भास केली. जन मानसांत राष्ट्रवादाची भावना विकसीत करपा खातीर बाळ गंगाधर टिळकांनी छत्रपती शिवाजी महाराजांची जयंती मनोवपाक सगळ्यांत पयलीं सुरुवात केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
