भांगरभूंय | प्रतिनिधी
नवी दिल्ली, खबरां संस्था ः टोल नाक्यांचेर फास्टॅग (FASTag) वापरपाचे नवे नेम आयज सावन लागू जालें. फास्टॅगांत उणें पयशे आसल्यार, पेमेंट उसरां वा फास्टॅग ब्लॅकलिस्ट वळेरींत गेल्यार ड्रायव्हरांक दुप्पट टोल फारीक करचो पडूं येता.
पयशे उणे आसल्यार वा टोलाचेर पावचे पयलीं 60 मिनटां पयलीं मेरेन आनी पावतकच 10 मिनटां उपरांत हॉटलिस्टांत आसल्यार पेमेंट न्हयकारतले. टोल नाक्याचेर पावचे 60 मिनटां आदीं वा पावतकच 10 मिनटां उपरांत समस्या सुटावी जाल्यार सामान्य टोल शुल्क आकारतले.
फास्टॅग ब्लॅकलिस्टांत आसल्यार निमाण्या खिणाक रिचार्ज करप फायद्याचें थारचें ना. तशें केल्यार हो वेव्हार जावचो ना. सध्या लोकांक टोल नाक्याचेर पावून फास्टॅग रिचार्ज करून पेमेंट करुन वचपाक मेळटालें.
15 दिसांच्या कूलिंग पीरियडा उपरांतच बँकांक ब्लॅकलिस्ट वा उणे पयशे आशिल्ल्या फास्टॅगा संबंदी चुकीचे कट केल्ले पयशे परत करपाक शकता. ते उपरांत फास्टॅग परतून सुरु जातलें.
कितें करचें?
० फास्टॅग वॉलेटांत फावो तितले पयशे दवरात.
० प्रवास करचे पयलीं फास्टॅग स्टेटस तपासात. तो सक्रिय आसा काय ना तें पळोवंक जाय.
० फावो तितले पयशे नासल्यार, केवायसी दस्तावेज अपडेट करूंक ना जाल्यार, वा वाहन संबंदीत कायदेशीर प्रस्न सोडोवंक ना जाल्यार फास्टॅग ब्लॅकलिस्ट वा हॉटललिस्ट जाता.
एनसीपीआयच्या (www.npci.org.in) ह्या गिरायक पोर्टलाचेर फास्टॅगाचो स्टेटस तपासूंक शकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
