भांगरभूंय | प्रतिनिधी
धेकिअजुली, खबरां संस्था: आसामच्या धेकिअजुली हांगच्या एका मनशाचेर हांसपाची इमोजी वापरून प्रतिक्रिया देल्ले खातीर गुन्यांव नोंद जाल्ल्याची प्रकार मुखार आयला. दुसर्या एका मनशान कोकराझारच्या जिल्लो उपायुक्त वरनाली देका हांणी मेकअप करूंक नाशिल्ले खातीर फेसबुकाचेर केल्ल्या कमेंटाक रिप्लाय दितना ही ‘हा हा’ उमोजी वापरिल्ली.
गुन्यांव नोंद जाल्ल्या त्या मनशाचें नांव अमित चक्रवर्ती. मजगतीं आयएएस अधिकारी डेका हांणी गुन्यांव दाखल केले उपरांत ह्या मनशाक ताच्या शहरापसून २७३ किलोमिटर अंतराचेर कोकराझार हांगच्या कोर्टांत हजर रावपाचो समन्स धाडला.
हे बायल अधिकार्यान इमोजी वापरपी अमित चक्रवर्ती आनी फेसबुकाचेर कमेंट करपे मनशा सयत हेर दोगांचेर सायबर स्टॉकिंग आनी अपमान करपी लैंगीक टिप्पणीे केल्ल्याचो आरोप केला.
नेमकें कितें घडलें?
चक्रवर्ती हांणी नरेश बारुआ हांणी डेका हांच्या फोटोचेर केल्ल्या कमेंटाक ‘हा हा’ म्हळ्यार हांसपाची इमोजी वापरून प्रतिक्रिया दिल्ली. बारुआ हांणी डेका हांच्या पोस्टाचेर कमेंट करतना ‘मॅडम, आयज मेकअप करूंक ना?’ (नो मेकअप टुडे, मॅम) असो कमेंट केल्लो.
डेका हांणी नरेश बारुआच्या अमेंटाचेर, ‘तुकां कितें आडखळ आसा?’ अशी जापूय दिल्ली. मात ह्या कमेंटाचो मुद्दो मुखार बरोच पेटलो आनी डेका हांणी कोकराझार पुलीस स्टेशनांत नरेशा आड कागाळ केली. तिणें आपले कागाळींत चक्रवर्ती, बारुआ आनी तिसरो अब्दुल सुदूर चौधरी हांचेर आरोप केल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
