भांगरभूंय | प्रतिनिधी
नवी दिल्ली, खबरां संस्था: उत्तर प्रदेशच्या प्रयागराजांत महाकुंभ मेळ सुरू आसा. दिल्लीच्यानूय व्हडा संख्येन लोक महाकुंभांत पवित्र स्नान करपा खातीर वतात. नवी दिल्ली रेल्वे स्टेशनावेल्यान महाकुंभ वचपा खातीर दोन विशेश गाडयो चलतात. ह्या गाडयांनी चडून महाकुंभाक वचपा खातीर व्हडा संख्येन प्रवासी आयिल्ले. हाका लागून प्लॅटफॉर्म क्रमांक १४ आनी १५ काल रातीं भाविकांची बरीच व्हड गर्दी जाली. हातूंत १८ जाणांक मरण आयलें, जाल्यार १० परस चड प्रवासी जखमी जाल्यात. मरण आयिल्ल्यां मदीं तिगां ल्हान भुरग्यांचो आसपाव आसा. हातूंत जखमी जाल्ल्यांक रोखडेच हॉस्पिटलांत दाखल केले.
कुंभमेळ्याक वचपा खातीर नवी दिल्ली रेल्वे स्टेशनाचेर बरीच गर्दी जाल्ली. प्लॅटफॉर्म नंबर १४ आनी १५चेर बरीच गर्दी जाल्ल्यान ही घडणूक घडली.रातच्या सुमार ९:५५ वरांचेर ही घडणूक घडली.
मजगतीं, नवी दिल्ली रेल्वे स्टेशनाचेर जाल्ले गर्दे उपरांत प्रयागराज जंक्शनावेली सुरक्षा वेवस्थाय खर केली. रेल्वे स्टेशन वाठारा सयत फूट ओव्हर ब्रिजाचेर वेवस्थेची जापसालदारकेचीं सुत्रां आरपीएफ कर्मचार्यांनी आपल्या हातांत घेतल्यांत.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
