भांगरभूंय | प्रतिनिधी
आजकालच्या बदलपी जिणेशैली प्रमाण ऑफिसांत कामाचीं वरांय वाडल्यांत. जायते जाण करियराच्या फाटल्यान लागिल्ल्यान काम करतना वेळेचें बंधन उरना, तशेंच बर्या पगाराच्यो नोकर्यो तुमकां पयशे मेळोवन दितात तरी वरांचीं वरां एकेच सुवातेर बसून काम करप तुमचे भलायके खातीर माल थारता. जायते जाण सकाळीं ९ ते सांजेचीं ५ वरां मेरेन डेस्क जॉब करतात. ते कॉम्प्युटराचेर वरांचीं वरां घालयतात. ईमेलीक प्रतिसाद दितात, मिटींगेक हजर रावतात. हें काम तुमकां मानसीक आनी शरिरीक नदरेन थकयता. जर तुमी एकेच सुवातेर बसून बरोच वेळ काम करता जाल्यार तुमकां जायत्या भलायकेच्या समस्यांक तोंड दिवचें पडटा.
हे विशीं भलायकी तज्ञ कितें म्हणटात तें पळोवया
डॉ. राजेश श्रीनिवास, सल्लागार ऑर्थोपेडीक सर्जन, (मणिपाल हॉस्पिटल, वरथूर रोड, व्हाईटफिल्ड) हांणी सांगलें, बरोच वेळ एके सुवातेर बसले उपरांत हिप फ्लेक्सर्स आनी स्नायू कडक जावपाक शकतात. हाका लागून पिरिफॉर्मिस स्नायूंचेर परिणाम जावपाक शकता. तेन्ना आमी बागोवन वा चड वेळ बसून रावल्यार हाडांच्यो समस्या वाडपाक शकतात. हाका लागून पिरिफॉर्मिस स्नायूचेर चेंपण येता. हाका लागून पिरिफॉर्मिस सिंड्रोम सारकिल्ल्या दुयेंसांचो धोको वाडटा. तशेंच चड वेळ बसून रावल्यार स्नायूं कडेन संबंदीत समस्या जाणवपाक शकतात.
पिरिफॉर्मिस सिंड्रोमची लक्षणां
सायटिका सारकें दुखणें – हें दुखणें मेंदवांतल्यान मांडी आनी पायां मेरेन वता. जें पिरिफॉर्मिस स्नायू सायटॅटिक मेंदवाचेर ताण घालता तेन्ना कळटा.
मुयेंवप वा थंड पडप- कांय परिस्थितींत तुमकां तुमचे पांय मुयेल्ले वरीं, पीन वा सुयो तोपिल्ले वरीं संवेदना जाणवपाक शकता. सायटॅटीक नर्व्हाक लागून हें घडटा.
हालचाल करतना वेदना – हिप रोटेशना कडेन संबंदीत क्रियाकलाक जशे तुमचे पांय दोडून बसप, तुमचे पांय वाकोवन बसप वा तुमचे हिप्स दुखपाक शकतात.
संरक्षण कशें करप?
पायरीफॉर्मीस सिंड्रोम नाका जाल्यार बसतना बरी मुद्रा राखप, नेमान क्रियाकलाप करप आनी नितंब आनी फाटीचे सकयले वटेन आदार दिवपी स्नायू घटमूट करप, ह्या सगळ्यांचो आसपाव आसा. तशेंच हे खातीर स्ट्रेचींग करून योग्य स्थितीत बसपाचो यत्न करप.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
