भांगरभूंय | प्रतिनिधी
दराची अधिसुचोवणी रोखडीच जारी जातली
पणजी : शेतकारांचो ऊस अंदूं लेगीत सरकार विकतो घेतलें. संजिवनी साकार कारखान्याच्या प्राकारांत ऊस विकतो घेतलें. शेतकारांनी ऊसाची लागवड करची, अशें आवाहन मुख्यमंत्री डॉ. प्रमोद सावंत हांणी केलां.
मुख्यमंत्री डॉ. प्रमोद सावंत हांचे हस्तुकी अमृतकाल शेती धोरणाचो शुभारंभ जालो. ह्या वेळार मुख्यमंत्री डॉ. प्रमोद सावंत हांणी ही म्हायती दिली. संजिवनी साकार कारखानो वा इथेनॉल प्रकल्पा विशीं मात उलोवपाक मुख्यमंत्र्यांनी न्हयकार दिलो.
संजिवनी साकार कारखानो बंद आसा. इथेनॉल प्रकल्प सुरू करपाचो प्रस्ताव आसलो तरी इथेनॉल प्रकल्पा विशीं कसल्योच हालचाली फुडें वचानात. हे फाटभुंयेर ऊस लावचो काय ना, अशा दुबावीत स्थितींत शेतकार आसात. शेतकार जो किदें ऊस तयार करतले, तो सरकार विकतो घेतलें अशें मुख्यमंत्र्यांनी स्पश्ट केलां. दरा विशींची अधिसुचाेवणी सरकार जारी करतलें.
ऊसाचो दर निश्चीत करपाची गरज आसा. ऊसाची लागवड करपाचे दीस फाटीं गेल्यात. ऊस विकतो घेतले, अशें सरकारान म्हयन्या पयली स्पश्ट केल्लें. मात अजून दर निश्चीत जावंक ना, अशी म्हायती ऊस शेतकारांनी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
