भांगरभूंय | प्रतिनिधी
नवी दिल्ली, खबरां संस्थाः देशभरांत सुमार 18 लाख एकर संरक्षण विभागाची जमीन आसा अशी म्हायती केंद्र सरकारान सोमारा संसदेंत दिली. ह्या जमनीच्या सुमार १०,२४९ एकर वाठाराचेर लश्करांनी अतिक्रमण केलां. संरक्षण राज्यमंत्री संजय सेठ हांणी राज्यसभेंतल्या एका प्रस्नाक लेखी जापेंत ही म्हायती दिल्या. देशांतल्या अतिक्रमणा खाला संरक्षण जमनीचो विभागा प्रमाण सरकारान डेटा मागिल्लो. ताचेर मंत्र्यांनी ही म्हायती दिली.
स म्हयन्यां आदीं संसदेंत प्रस्न विचारिल्लो तेन्ना देशभरांतल्या 10,354 एकर संरक्षण वाठारांनी अतिक्रमण केल्ल्याचें मंत्र्यांनी सांगिल्लें. हो आंकडो सांगिल्ल्या आंकड्यापरस चड आसा. बेकायदेशीर वेवसाय उत्तर प्रदेशांत (41759.2 एकर) आसा. हाचे उपरांत मध्य प्रदेश दुसरे सुवातेर आसा. ते उपरांत महाराष्ट्रांतल्या 1010.3 एकर आनी अस्तंत बंगालांतल्या 816 एकर लश्करी जमनीचेर अतिक्रमण आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
