भांगरभूंय | प्रतिनिधी
धुळे, खबरां संस्था: धुळे जिल्ह्यांत एक अजाप करपा सारकी गजाल मुखार आयली. हांगच्या थळावे गुन्यांव अन्वेशण फांट्यान केल्ले कारवायेंत वट्ट ११ हजार किलांचो ओलो गांजो जप्त केला. जप्त गांज्याची मोल दोन कोटी वीस लाख रुपया आशिल्ल्याची म्हायती मुखार आयल्या. सांगवी पुलीस स्टेशनाच्या हींतल्या आंबा गांव वाठारांत ही कारवाय केली. धुळे पुलिसांचे हे कारवाये विशीं दुबाव उक्तायला. पुलिसांनी केल्ली ही कारवाय पुलिसांचें येस काय अपेस? हे विशीं आतां चर्चा जाता.
पुलिसांचे अर्थपूर्ण संबंद?
गांज्याचीं झाडां इतले व्हड प्रमाणांत वाडलीं तरी थळाव्या पुलिसांचें हाचे कडेन लक्ष कशें वचूंक ना? असो प्रस्न थळावे हजर करतात. ह्या गांजो शेतीची म्हायती जिल्लो पुलीस अधीक्षकांनी दिली, मागीर थळावीं गुप्तचर यंत्रणां कितें करतात? असो प्रस्न हजर जाला.
थळाव्या पुलिसांचे हाचे कडेन संबंद आशिल्ल्यान ह्या शेता कडेन आडनदर जाता काय? अशी चर्चा सध्या ह्या वाठारांत जाता. पुलीस अधीक्षकांचे म्हायतीचेर केल्ले हे कारवायेक लागून थळाव्या पुलिसांची ही करामत उक्ताडार आयल्या असोय आरोप जातना दिसता.
मजगतीं, पुलिसांक हे विशींची म्हायती मेळटांच तांणी शेतांत वचून गांजाच्या रोपांची पळोवणी करून पंचनामो केलो. तशेंच हे गांजाचे रोंपे पुलिसांनी ताब्यांत घेतल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
