भांगरभूंय | प्रतिनिधी
गांवस – गांवकार समाज मुखार: दत्ताराम गांवस अध्यक्षपदार
वाळपय: केरीच्या नामनेच्या श्रीआजोबा केळबाय देवळाचे कार्यकारी समितीची वेंचणूक सर्तीची जाली. ह्या वेळार गांवस- गांवकार समाज मुखार आशिल्लो दिसल. सगल्या पदांचेर ह्या दोनूय समाजाचे प्रतिनिधी वेंचून आयले. देवळाच्या अध्यक्षपदार दत्ताराम गांवस हांची नियुक्ती केली.
हें जागृत देवूळ. म्हाजन कायद्या प्रमाण समितीची नियुक्त करपा खातीर वेंचणूक जाता. सकाळ सावन व्हडा प्रमाणांत वांगड्यांनी हजेरी लायिल्ली. वेंचणूक विरोधाविणें जातली अशें दिसतालें. मात, सगल्याच पदांचेर परस्पर विरोधी उमेदवारांनी अर्ज दाखल केल्ल्यान निमाणें मतदान घेतलें. रातीं मेरेन मतदानाची प्रक्रिया सुरू आशिल्ली. उपरांत जाल्ले मतमोजणींत गांवकार, गांवस समाजाचे प्रतिनिधी मुखार आशिल्ल्याचें पळोवपाक मेळ्ळें. सगल्याच पदांचेर ह्या समाजाचे वांगडी निवडून आयले.
नवी समिती
अध्यक्ष : दत्ताराम विष्णू गांवस (२७२), उपाध्यक्ष : कृष्णा गोपाळ गांवस (२६७), सचीव : संतोष शिवा गांवस (२६७)
उपसचीव : रामनाथ चंद्रू गांवस (२६४), भांडारी : लक्ष्मण शिवा गांवस (२६३), उप भांडारी : प्रवीण महादेव गांवस (२६७)
मुखत्यार : रामनाथ नारायण गांवस (२६७), उप मुखत्यार : विष्णू महादेव गांवस (२७२)
हे विशीं प्रतिक्रिया उक्तायतना नवे अध्यक्ष दत्ताराम गांवस हांणी ह्या देवळाचें पावित्र्य तिगोवन दवरपाचे यत्न करतलों. देवळाची सेगीत भरभराट जावची आनी सगळ्यांक विस्वासांत घेवन ह्या देवळाचो कारभार मुखार व्हरपाचो संकल्प करतलें, अशे सांगलें. जागृत देवस्थान म्हणून आशिल्ली वळख कायम उरची आनी कसलेच तरेचे मतभेद जावचे न्हय हाचे खातीर नवी समिती यत्न करतली. देवळाचे धर्मीक आनी परंपरीक उत्सव व्हड उमेदीन मनोवपा खातीर यत्न करतले. सगल्या महाजन आनी भाविकांनी नवे समितीक सहकार्य करचें अशी मागणीय तांणी केली.
मजगतीं, नवे समितीन मतदार आनी भाविकांचे उपकार मानल्यात. जायत्या जाणांनी तांच्या गळ्यांत फुलांचो हार घालून तांकां परबीं भेटयलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
